
Daxwaza girtina kesê tacîza zayendî li zaroka xwe kiribû hate redkirin 

2025-06-18 16:40:09


	RIHA - Di danişîna doza H.Î. de ku ji ber tacîza zayendî ya li dijî zaroka xwe tê darizandin, dadgehê daxwaza girtinê red kir.&nbsp;

	Kesê bi navê H.Î. ê li Rihayê dijî, ji ber sûcê ku ji 5 saliyê heta 8 saliya wê tacîza zayendî ya sîstematîk li keça xwe kiriye, tê darizandin. Danişîna 4’emîn a dozê li 3’yemîn Dadgeha Cezayên Giran a Rihayê hat lidarxistin. Parêzerên zarokê û dayika wê, parêzerê faîlî, parêzerên Wezareta Malbat û Xizmetên Civakî, endamên Nûnertiya UCÎM’ê ya Rihayê tev li danişînê bûn.&nbsp;

	&nbsp;

	Di danişînê de ji ewil li hevala zarokê weke şahid hate guhdarîkirin. Piştre jî parêzer Miyaser Çelîk axivî û got ku tu nakokî di îfadeyên zarokê de nînin û xwest faîl were girtin. Miyaser Çelîkê xwest daxwaza beşdarbûna dozê ya UCÎM’ê were qebûlkirin.&nbsp;

	&nbsp;

	Parêzera UCÎM’ê Sena Nûr Koç jî got: “Bersûc, hem gefan li dayikê dike hem jî li zarokê. Lewma dayik her tim diçe derveyî bajar. Zextan li dayikê dike ku îfadeyên xwe biguherîne. Lewma divê teqez were girtin.”&nbsp;

	&nbsp;

	MUTALAA HATE PÊŞKEŞKIRIN

	&nbsp;

	Dozger, xwest faîl negirtî were darizandin û bi daxwaza cezayê mutalaa pêşkeş kir. Dozger xwest ku faîl ji sûcên “îstîsmara zayendî” û “mustehceniyê” were cezakirin.&nbsp;

	&nbsp;

	Parêzerên bersûc jî ji bo parastina li dijî mutalaayê dem xwestin.&nbsp;

	&nbsp;

	Dadgehê, daxwaza girtina bersûc û daxwaza tevlibûna dozê ya UCÎM’ê red kir. Dadgehê, daxwaza demê ya parêzerên bersûc qebûl kir û danişîn taloqî 25’ê Hezîranê kir.&nbsp;

	&nbsp;