Cotkarên Colemêrgê hezar û 200 proje pêşkêşî Wezîrê Sewalkarî û Çandiniyê Ahmet Eşref Fakibaba kirin û xwestin sozên ku daye wan bîne cih. Serokê Odeya Çandiniyê ya Colemêrgê Naîf Onal, aşkera kir ku heke projeya wan bê qebûlkirin, dê girêdana ji derve re çareser bibe.
Li Wanê zarokên ku ji gelek qadan nan dibin loqenteyan, ji bo 20 TL û 10 nanan, 12 saetan li ser piyan dixebitin.
Doç. Dr. Alî Riza Ozturkmen, diyar kir ku zeviyên çandiniyê yên ji bo îmarê tên vekirin bi lezgînî dikin beton û wiha got: “Nifûs zêde dibe, qadên çandiniyê kêm dibin.”
Şerê li herêmê bandorek neyînî li ser aboriya esnaf û karkeran dike. Esnafên ŞUTÎM'ê diyar kirin ku şer bandorek neyînî li ser aboriya wan dike û wiha gotin: "Şer heye mirov ditirse kirîn û firotinê bike"
Esnafan diyar kir ku di navbera bihayên îsal û sala çûyîn de ferqek zêde heye û wiha gotin: "Bi taybetî jî piştî şerê li hemberî Efrînê êdî li bazarê kar nemaye. Bi mirovan re pere jî neman. Hemû pere ji gel stendin û ji bo şer xerc kirin."
Konseya Neteweyî ya Şîr, ji 1’ê Sibata 2018’an şûn ve bihayê şîr biha kir. Gundiyên li Erdexanê yên ji ber şîr hildiberînin, ji ber ku şîrê dê havînê bifiroşin pereyê xwe pêşîn sitendine ji bihabûna şîr sûd wernagirin.
Polîsan di mesafeyek kêm de bi gaza îsotê û goleyên plastîk mudaxileyê endamên KESK’ê yên ji kar hatin avêtin û xwest heya Komîsyona OHAL’ê bimeşin, kirin. Polîsan 15 karker binçav kirin, paşve kelepçe kirin û bi deqeyan li ser asfaltê dirêjkirî hiştin.
Şaredariya MHP'ê biryar da ku Sûka Piçûk a Dîrokî ya 125 salî hilweşîne û esnafên sûkê mexdûr kir. Esnafan aşera kir ku deyê wan ji bankayan re heye, lê çihê wekî alternatîf ji bo wan diyar kirine dê li wir nikaribin kar bikin.
Endamên KESK’ê yên Mêrsînê, ji bo karkerên ji kar hatin avêtin, vegerin ser karên xwe çalakî lidar xistin û diyar kirin ku li dijî AKP’a ku pergala faşîzmê bi sazî dike, tekane rê têkoşîn e.
Esnafên bazarê diyar kirin ku qirîza aborî bandorê li ser wan dike û gotin: “Gel feqîr e. Nikarin tiştekî bistînin. Em nikarin tiştekî bifiroşin.”
Esnafên Hala Sebze ya Wanê diyar kirin ku operasyona li dijî Efrînê aboriyê ser û bin kiriye û gotin: “Ev şer dê bêtir aboriyê nebaş bike. Balafir her roj bi tonan bombeyan diavêjin. Hemû aboriya şer ji berîka gel derdikeve. Dê piştî şer qirîz biteqe.”
HDK'ê piştgirî da karkerên Metalê yên di 2'ê Sibatê de dest bi grevî bikin û diyar kir ku dê bi daxuyanî û çalakiyên xwe nîşan bidin ku kedkarên Metalê ne bi tenê ne.
Aborîzan Prof. Dr. Erol Katircioglu, bal kişand ser bandora operasyona li ser Efrinê ya li ser aboriya Tirkiye û wiha got: "Ger ku ev operasyon dirêj bibe û leşker bên kuştin, rageşiya navbera Tirkiye/DYA an jî Tirkiye/Rûsya derkeve holê û Sûriye tev li vê pêvajoyê bibe dê di demên pêş krîza aborî li ber derî be.
Hikûmeta AKP'ê ku bi polîtîkayên şer xwe li ser piyan dihêye, ji bo çavkaniyê ji şer re ava bike çav berdide pereyê welatiyan. Hikûmetê piştî benzîn û sotemenî û gelek amûrên malê zem kir, niha çav berda lîstikên şensê. Balkêş e Diyanetê beriya sersalê gotibû 'Lîstika şensê heram e."
Li gorî lêkolîna Turk-Îş'ê di meha çile de sînorê birçîbûnê yê malbata ku ji 4 kesan pêk tê, hezar û 615 TL ye. Li gorî leklînê tevî pêdiviyên zexîre, cil, xanî, perwerde, tenduristî û pêdiviyên jiyanî yên sereke sînorê xizaniyê 5 hezar û 262 ye.