Meclisa Jinê ya HDP'ê, di encamnameya civîna xwe ya 10'ê îlonê de diyar kir ku jin ne bêçare ne û ev tişt got: "Li dijî êrişên tifaqaqa serweriya zilam ên li ser destkeftî û mafên me dem dema mezinkirina piştevaniya jinê ye."
Aktîvîsta TJA’yê Guldem Dogan, ji bo hevdîtina “Em li dijî qirkirina jinê, nijadperestiyê, şer û tecrîdê ber bi azadiyê ve dimeşîn” bang li jinan kir û got: “Em ê li dijî modernîteya zilamê kapitalîst, modernîteya demokratîk ava bikin.”
TJA’yê ji bo Berdevka xwe ya Demê Ayşe Gokkan ku girtî ne û wê di 13’ê îlonê de derkeve pêşberî dadgehê, banga piştevaniyê kir.
Hevseroka Giştî ya HDP'ê Pervîn Bûldan destnîşan kir ku jin wê bibin xwediyê deklarasyona herî xurt a dê di 27'ê Îlonê de eşkere bikin û got: “Em ê serkeftinên heta niha me bi dest xistine, hin bêtir serkeftinan pêşkêşî hemû jinên cîhanê bikin."
Zaroka 13 salî Amara Dwla li deftera xwe nivîsandibû “Ez di tariyê de bi tenê me, digirîm û rondikên çavên min mîna barana ji ewran dibare, qîrîna di hûndirê min de, min dadiqurtîne.” Amara hat desteser kirin, mecbûrî zewacê hat kirin û îşkence lê hat kirin û dûre hat qetilkirin. Lê kesekê dengê wê nebihîst.
Dayika Aştiyê Şahîde Ozer, ji ber vîrûsa koronayê jiyana xwe ji dest da.
Dadgeha Bilind a Meksîkayê, bi yekdengî biryar da ku cezakirina kurtajê li dijî destûra bingehîn e.
Ji 3 endamên RJAK’ê yên asayîşa PDK’ê ew binçavkiribûn 2 jê piştî 33 rojan hatin berdan.
Tê gotin li Çewligê du jinan întîhar kiriye û yek ji wan jiyana xwe ji dest daye.
Aktîvîstên mafên mirovan ên di meha Hezîrana 2020’an de ji aliyê PDK’ê ve hatin girtin, dest bi rojiya mirinê kirin.
Danişîna doza Seroka Komeleya Jinan a Rosayê Adalet Kaya û endama Meclîsa Şaredariya Erxeniyê Ceylan Aslan bi biryara li benda mayîna raporên dîjîtal hat taloqkirin.
Şêwira Jinên Kurd a li Ewropayê, li Hollandayê dest pê kir. Hevseroka KNK'ê Zeynep Mûrad di destpêka şêwrê de axivî û bal kişand ser rola jinên kurd a di yekîtiya neteweyî de.
Lutfiye Gokkan a li Rihayê bi tena xwe têkoşîna azadî û jinan a li dijî hişmendiya baviksalarî bilind kir, di temenê xwe yê 80’î salî de, bi lingê xwe yê protez meşa serbilindiyê nîşanî bi hezaran jin da. Gokkan a destûr neda li gundê wê qereqol bê çêkirin navê xwe wekî "abîdeya cesaretê" li dîrokê xist, xwest li ser kêla gora wê "deyndarê partî û demokrasiyê ye" were nivîsandin.
Danişîna doza ji du sucdariyên cuda derbarê Berdevka Demê ya TJA’yê Ayşe Gokkan de hatiye vekirin, wê di 13’ê îlonê de bê dîtin.
Li Antalyayê, jina ciwan a got “min rizgar bikin” û xwe ji pacê avêt xwarê, îdîa kir ku bi darê zorê wê radigirin û di nava vî karî de polîs jî hene.