Hevseroka TUAYDER’ê ya Antalyayê Nazîme Bayhan diyar kir ku li girtîgehên Antalyayê 90 girtiyên nexweş hene û got: “Girtiyên rewşa wan giran hene. Em naxwazin darbestên wan ji girtîgehan derkevin. Divê tavilê bên berdan.”
Li çiyayê Gabarê ku wêrankirina xwezayê dewam dike, birîna daran ji nû ve destpê kir. Darên ku hatine birîn li rex rêya dane serhev.
Di nava 4 mehan de li Şirnexê 12 kesên krîza dil derbas kirin, ji ber xizmetên tenduristiyê yên kêm jiyana xwe ji dest dan. Serokê Odeya Bijîşkan a Şirnexê Serdar Kunî got: “Divê gel bikare xwe bigihîne polîklînîk û xizmetên tenduristiyê.”
Endamê OHD'ê Diyar Çetedir diyar kir ku ji bo pêvajo bi pêş bikeve divê azadiya fizîkî ya Abdullah Ocalan bê misogerkirin û bi civakê re hevdîtinê pêk bîne û got ku divê di mijara "mafê hêviyê" de demildest gav bên avêtin.
Xizmên girtiyan anîn ziman ku ew li bendê ne ku dewlet û desthilat di nêz de bikevin nava liv û tevgerê û girtiyan serbest berdin û gotin: "Em hem li benda aştiyê ne, hem jî li benda gotinên birêz Ocalan in."
Li Girtîgeha Jinan a Şakranê bi hinceta ku ziyaretvan hembêz kirine û tililî avêtine, mehek cezayê qedexeya ragihandinê dan 6 girtiyan û li 3 girtiyan jî ji bo mehekê cezayê qedexeya çalakiyan hate dayin.
Haydar Ergulan, Oya Baydar, Gunduz Vassaf, Yaşe Kulîn û Muge Îplîkçî jî di nav de 124 nivîskar û wêjevanan, bi gotina “Peyva aştiyê ku peyva herî xweşik e, te li dilê me tevan aştî nivîsand” xatir ji Sirri Sureyya Onder xwestin.
Di doza Şahîn Oner ê bi wesayîta zirxî hatibû qetilkirin de 3 sal û 4 meh cezayê hefsê li polîsê bersûc hatibû birîn. Hem dozger hem jî parêzeran li dijî cezayê hatiye dayin serî li îstînafê dan.
Girtiya bi navê Ronahî Sirdaş ku li Girtîgeha Jinan a Bunyan a Kayseriyê tê ragirtin, da zanîn ku dema ji bo kontrolê dibirin nexweşaneyê rastî êrişa girtiyên edlî hatine.
Li Girtîgeha Marmarayê bi hinceta tiştên ketine hewşa girtîgehê, cezayê hucreyê li girtiyan hate birîn.
Niha çareseriya pirsgirêka Kurd tê nîqaşkirin, her wiha mînakên cîhanê tên meraqkirin. Li gelek deverên cîhanê, ji Brîtanyayê heta Kolombiyayê, ji El Salvadorê heta Fîlîpîn û Afrîka Başûr, bi avêtina gavan pêvajoyên nakok gihîştine encamekê.
Mafê tedawiyê yê Werîşe Mûradî ku li Girtîgeha Evînê tê ragirtin, tê astengkirin.
Di danişîna ewil da doza rojnameger Ahmet Guneş de ji bo were zanîn ka tu kesan der heqê Guneş de îfade dane yan na, biryar hat dayin ku ji emniyetê re muzekkere bê nivîsandin.
MED TUHAD-FED, OHD û TUAY-DER’ê ji bo daxuyaniya ku dê sibe têkildarî girtiyên nexweş û taloqkirina tehliyeyan li Amedê were dayin, banga tevlibûnê kir.