Aktivîsta mafên jinan a alman Liv Thîele, diyar kir ku şikandina tecrîda li ser Ocalan peywirek e ji bo hemû enternasyonalîstan û kesên azadîxwaz. Thîele got: "Divê em her kêliyê şer bikin, ji bo azadiya Ocalan."
Li navçeya Şahînbeyê zilamê bi navê Alî Huseyîn piştî ku îşkenceyê li hevjîna xwe Nûr Cemîl Huseyîn kir, ew qetil kir.
Li Antalyayê Gamze Kaçar Bozkurt ji aliyê Yusuf Onur Kaan Bozkurt ve bi sîlehê hat qetilkirin .
Hevşaredara Colemêrgê Humeyra Armût ku qeyûm tayinî şûna wê hat kirin, anî ziman ku bi hinceta pandemiyê tenê xebatên yekeyên jinan hatine sekinandin û bi vî awayî xebatên jinan hatine pasîfîzekirin.
Di 19 salên îqtîdara AKP'ê de 7 hezar û 455 jin bi destê zilam hatine kuştin. Têkildarî zêdebûna kuştina jinan Aktivîsta TJA'yê Dîlan Yildiz, anî ziman ku AKP bi qanûnên çêdike, kujerên jinan berdide û got: "Sedema herî mezin a qirkirina cinsî jî, îqtidara AKP'ê ye."
Gulşen Algoren ku ji bo debara xwe bike li malê gûzan dişikîne, anî ziman ku ew û jinên taxê bi hev re vî karî dikin û bi vî awayî ruhê piştevaniyê xurt dikin.
Li Amedê Abdullah Şaylemez ê ku Gulistan Şaylemez li navrasta kuçeyê kuşt hat girtin.
Jinên ku li navçeya Konakê esnaftiyê dikin, diyar kirin ku nikarin heqê kirê û deynên bacê bidin û gotin: "Ne pandemî, ê xizanî û birçîbûnî mirovên li vê derê bikuje."
Li navçeya Alaşehîrê ya Manîsa Huseyîn Ozcan ê ku bavê xwe Suleyman Ozcan û pîrika xwe Qaranfîl Ozcan kuşt, hat girtin.
Jinên sosyalîst, destnîşan kirin ku tecrîd herî zêde bandorê li jinan dike, lewma rêya azadiyê bi rakirina tecrîdê pêkan e.
Karsaz Fatîh Ûgûr ku Endezyara Medenê Canan Tosûn desteser kiribû û bi saetan tundî lê kiribû û gefa tecawizê lê xwaribû, li ser bertekên zêde hat binçavkirin.
Akademîsyen, siyasetmedar, parêzvanên mafên mirovan û hunermend jî di nav de zêdeyî 60 jinan nameyek ji CPT re şandin û ji bo bidawîkirina tecrîda li ser Abdullah Ocalan û pêkhatina aştî û demokrasiyê bikeve nava liv û tevgerê.
TJA’yê bi daxuyaniyekê 22’yemîn salevegera komploya li dijî Rêberê PKK’ê Abdullah Ocalan şermezar kir û got: “Heta tecrîd neyê hilweşandin, azadî ji gelan re nayê. Em bang li hemû hêzên xwecihî û navneteweyî dikin Îmralî pergaleke tecrîda mutleq e, divê demildest were rakirin.”
Di doza Sariye Çetîn a berî 11 salan li Colemêrgê li dijî zewaca bi zorê derket û carek din agahî jê nehat girtin de, cezayê muebeta giran li bavê wê û 6 kesên bersûc hat birîn.
Dozger îdeanameya Melek Îpek a dema xwe û zarokên xwe ji êrîşa Ramazan Îpek parast û Ramazan Îpek kuşt amade kir, 3'emîn Dadgeha Cezayên Giran a Antalyayê îdeaname qebûl kir. Dozger, di îdeanameyê de ji Îpek re ji 18 salan heta 24 salan cezayê hepsê xwest.